Африка футболи конфедерацияси раҳбарияти Габон ва Экваториал Гвинеяда ўтаётган Африка кубогининг чорак финал ўйинлари аввалида Мисрнинг Порт-Саид шаҳрида маҳаллий «Ал-Масрий» ва Қоҳиранинг «Ал-Аҳлий» клублари учрашувидан сўнг юзага келган мухлислар оммавий муштлашувида қурбон бўлганлар хотирасига бир дақиқалик сукут сақланишини маълум қилган.
Эслатиб ўтамиз, ўйинда финал ҳуштаги янграгач, тартибни сақлаш ходимларининг мутлақо лоқайдлиги туфайли стадионда юзага келган ушбу мудҳиш воқеадан сўнг 74 инсон қурбон бўлган, 250 дан ортиқ кишилар тан жароҳати олишган.
Миср терма жамоаси қатнашмаётган африка кубогининг чорак финал ўйинлари 4 ва 5 февраль кунлари бўлиб ўтади.
