«Реал» бош мураббийи Жозе Моуриньо Испания чемпионатининг «Хетафе»га қарши 22-тур учрашувига чақирилган футболчилар рўйхатини эълон қилди.
«Қироллик клуби» «заявка»сидан Марсело, Анхель Ди Мария ва Сами Хедира тушириб қолдирилди; улар ҳанузгача жароҳатларидан фориғ бўлишмаган. Моуриньонинг қарорига кўра, Рикардо Карвальо ва Ҳамид Олтинтўп ҳам ўйинни ўтказиб юбориади.
Олдинги ўйинни дисквалификация туфайли ўтказиб юборган Серхио Рамос таркибга қайтди. Шунингдек, мушаклари жароҳатлангандан сўнг тикланиш машғулотларини ўтаган Хаби Алонсо ҳам ўйин қайдномасига киритилган, деб хабар беради «Marca».
