Германиянинг собиқ ярим ҳимоячиси Дитмар Хаманн Португалия терма жамоаси сардори Криштиану Роналдунинг Евро-2020 гуруҳ босқичининг 2-турида Германияга қарши матчдаги ҳаракатларидан норози бўлди.
Эслатиб ўтамиз, "Ювентус" форварди Антонио Рюдигерга қарши финт ёрдамида истеҳзо қилган эди.
"Ўйлашимча, Роналду аҳмоқона иш қилди. Унинг уддасидан чиқа олишини ҳамма билади. Аммо нега рақибни камситиш керак? Энди Криштиану аҳмоқдек кўринади. Гарчи, эҳтимол айнан унинг ҳаракатлари немис футболчиларига вазиятни ўзгартириш учун қўшимча туртки берди", - деди Хаманн.
Эслатиб ўтамиз, шу ўйинда Германия Португалияни 4:2 ҳисобида мағлуб этди. Ушбу учрашувда Роналду гол урди ва голли узатмани амалга оширди.
