Англия чемпионатида бугунга белгиланган сўнгги учрашув якунланди. Ўтган турда мағлубият аламини тотиб кўрган “шаҳарлик”лар йирик ҳисобда ғалаба қозондилар ва яна яққол пешқадамга айланиб олдилар.

Учрашувда Адам Жонсон ҳар томонлама ўзини кўрсатди, дейиш мумкин. Аввалига, унга ишлатилган қўполликдан сўнг, пенальти белгиланди. Қизиқ факт, бугунгача, "Фулҳэм" АПЛ да пенальтидан гол ўтказмаган ягона жамоа бўлиб турган экан. Кейин эса, Жонсоннинг зарбаси Бэйрдга тегиб, дарвоза тўридан жой олди. Қизиғи, айнан Бэйрд пенальти белгиланган вазиятда Жонсоннни чалиб йиқитганди. Воқеалар ривожи албатта, учинчи голга ҳам олиб келди. Агуэро Эдин Жекога қулай вазият яратиб берди, босниялик ҳужумчи бу сафар зарбада адашмади – 3:0.

МАНЧЕСТЕР СИТИ – ФУЛҲЭМ – 3:0
Голлар: Агуэро (10, пенальтидан), Бэйрд (30, автогол), Жеко (72).
МАНЧЕСТЕР СИТИ: Джо Харт, Ричардс, Савич, Лескотт, Коларов, Сильва, Бэрри, Насри (Милнер, 55), Жонсон (Писарро, 90), Агуэро (Н. де Йонг, 80), Жеко.
ФУЛҲЭМ: Шварцер, Келли, Сендерос (Риисе, 73), Хангеланд, Бэйрд, Сайм. Дэвис, Дэн. Мерфи, Демпси, Этуху (Руис, 68), Д. Дафф, Дембеле (Гецов, 85).
Огоҳлантиришлар: Сендерос (66), Коларов (74), Дембеле (75), Бэйрд (85).

Эртага яна икки учрашув бўлиб ўтади:
16.30. НЬЮКАСЛ – АСТОН ВИЛЛА
19.00. ЧЕЛСИ – МАНЧЕСТЕР ЮНАЙТЕД