Кеча Анталиядаги ўқув-йиғин машғулотлари доирасида илк назорат учрашувини ўтказган “насаф”чилар кичик ҳисобдаги ғалабани тантана қилишди.
 
“Насаф”нинг илк рақиби Польшанинг байроқдор жамоаларидан бири, 14 карра мамлакат чемпиони Забже шаҳрининг “Гурник” жамоаси бўлди.
 
Ушбу ўйинда “Насаф” устози қуйидаги таркибни майдонга туширди: Муротжон Зуҳуров, Боян Малишич, Мақсуд Каримов (Шавкат Раимқулов, 46), Жаҳонгир Жиямуродов (Шерзод Аъзамов, 46), Ботир Қораев (Азамат Алланиязов, 65), Эркин Бойдуллаев (Элдор Бойматов, 58, Нодир Санақулов, 89), Артур Геворкян (Мирзакамол Камолов, 46), Андрей Переплёткинс (Шоҳруҳ Гадоев, 46), Братислав Ристич (Суҳроб Неъматов, 46)Шуҳрат Мирҳолдиршоев (Носирбек Отақўзиев, 46), Феликс Фелипе (Иван Бошкович, 46).
 
Учрашувнинг биринчи бўлимини ҳар иккала жамоа аъзолари эҳтиёткорлик билан ўтказишди. Томонларда биттадан яхши вазиятлар юзага келган бўлсада, дарвозабонлар шу куни бехато ҳаракат қилишди. Хусусан биринчи бўлим охирларида жамоамиз таркибида кўрикдан ўтаётган бразилиялик ҳужумчи Фелипе Феликсни шериклари деярли бирга бир вазиятга чиқаришди. Аммо “Гурник” посбони катта тезликда тўп йўлига чиқиб борди ва жамоасини муқаррар голдан сақлаб қолди. Ўз навбатида Муротжон Зуҳуров ҳам иккита вазиятда жамаси жонига оро кирди.
 
Иккинчи бўлимда “Насаф” таркибида 9 та ўзгариш кузатилди ва энди ўйин тизгини жамоамиз томонига ўта бошлади. Хусусан, Носир Отақўзиевнинг фаол ҳаракатлари эвазига икки марта ҳисоб очилиши мумкин эди. Бир сафар дарвозабон катта қийинчилик билан узоқ бурчакка йўл олган тўпни қайтариб юборишга эришган бўлса, кейинги сафар Отақўзиев жарима майдончаси ичида рақиб ҳимочисини чиройли тарзда алдаб, дарвозабон билан бирга бир вазиятга чиқиб борди. Аммо ҳужумчимизнинг якуний зарбаси ноаниқ чиқди.
 
Учрашув якунига етиб бораётган бир пайтда “Гурник” ҳимоячиси хатога йўл қўйди ва ундан “Насаф” футболчиси унумли фойдаланиб, қаршиликларга ғалаба келтирди.