Cadena Ser нашри Hora 25 Deportes сайти берган маълумотларига асосланиб хабар беришича, Франция терма жамоси ва "ПСЖ" клуби ҳужумчиси Килиан Мбаппе келаси мавсумда ҳам Лига 1 да ўйнайди.
Манбанинг хабарига кўра, "Реал Мадрид" раҳбарияти Мбаппенинг ушбу ёзги трансферини имконсиз деб ўйлашмоқда. "Қаймоқранглилар" футболчини сотиб олиш учун молиявий имкониятга эга эмас.
Шунингдек, аввалроқ "ПСЖ" Мбаппе учун янги шартнома тайёрлаётгани ҳақида хабар берилган эди.
Қайд этилишича, Париж гранди таклиф қилган шартноманинг молиявий имкониятлари мадридликларникига қараганда анча юқори.
Ўтган мавсумда ҳужумчи Лига 1 мусобақасининг 31 ўйинида 27 гол урди ва 7 голга узатма берди.
