Уч кун аввал Венесуэла билан 3:3 ўйнаган футзалчиларимиз, бугун шу рақибга қарши 0:2 ҳисобида ортда бора туриб, якунда 3 та гол уришнинг уддасидан чиқишди — ҳақиқий ирода.
Литвадаги мундиалга тобора оз қолмоқда. Футзал масаласида ПФЛ яхши ва эсда қоларди чемпионат ташкил қилди. ЎФА эса янада яхши юришни амалга ошириб, Осиё, Африка ва Лотин Америкасининг энг кучли термаларига қарши ўйинлар ташкил этиб берди.
Венесуэла бу йўлдаги навбатдаги қадам бўлди. Август ойида ҳам яхши йиғин ва мана шундай кучли рақибларга қарши ўйинлар бўлса, мундиалда насиб бўлса гуруҳдан чиқиш учун ўйнасак бўлар.
