ФИФА президенти Жанни Инфантино яна Европа Суперлигаси лойиҳаси мавзусини кўтариб чиқди.
«Биз бу борада ўз позициямизни аниқ ифода этдик. ФИФА президенти сифатида мен бу жараённи таҳлил қилишим керак. Биз ҳар доим футбол жозибасини ҳимоя қилиб келганмиз.
Айни пайтда футбол оламида қандай муаммолар борлиги ва уларни қандай ҳал қилишимиз мумкинлиги ҳақида чуқур таҳлил қилишимиз ва мақсадларни аниқлаб олишимиз керак.
Футболда муайян қизил чизиқ бор. Бу чегара. Уни кесиб ўтиш мумкин эмас», - дейди Инфантино.
Эслатиб ўтамиз, Суперлига яратилишида 12 та клуб қатнашган эди ва кейинчалик учта клуб - «Барселона», «Реал» ва «Ювентус» бу лигада қолишган.
