«Барcелона» президенти Жоан Лапорта Премьер-лига клубларининг Европа Суперлигаси лойиҳасидан иштирок этишдан бутунлай воз кечиш ҳақидаги қарорига изоҳ берди.
Олдинроқ маълум бўлишича, Суперлига асосчилари қаторига кирган Англиянинг олтита жамоаси лойиҳа ташаббускори Флорентино Пересдан лигани ёпишни сўраган.
«Биз қийин аҳволда турибмиз. Трансфер бозорида пул йўқ, нимадир ўзгариши керак.
Инглиз клубларининг позициясига келсак, улар эртами-кечми қароридан афсусланади.
Тебаснинг танқиди? У Суперлига Ла Лигага ҳеч қандай таъсир қилмаслигини тушуниши керак, «Барса» ҳар мавсумда чемпион бўлишни хоҳлайди ", - деди Лапорта.
