Аргентиналик футболчи Лионель Месси эркин агент мақомида ўтган ҳар бир кун учун 100 минг евро йўқотади. Бу ҳақда «Sports.ru» хабар берди.
Хабарга кўра, ҳужумчи эркин агентга айланганидан бери жиддий молиявий йўқотишларга дуч келмоқда. Футболчи ҳар куни 100 минг евро йўқотмоқда. Унинг «Барселона» билан шартномаси 30 июнь куни якунланган.
Таъкидланишича, Лионелнинг бирорта ҳомийси унинг келажакдаги фаолияти ноаниқ бўлса ҳам, у билан ҳамкорликни тўхтатмаган.
Айни пайтда форвард Аргентина терма жамоаси ихтиёрида, у жамоа сардори сифатида Америка кубоги финалида Бразилияга қарши майдонга тушади.
