Коронавирус пандемиясидан кейин, бошқа клублар пулни ҳисоблашни бошлаб, пулни тежашга уринаётган бўлса, «Пари Сен-Жермен» Европанинг юқори даражадаги футболчиларини сотиб олганлиги ҳақидаги янгиликлар билан портлатмоқда.

Биргина шу йилнинг ёзида парижликлар «Интер»дан Ашраф Ҳакими ва «Порту»дан Данило Перейрани жалб қилиш учун 75 миллион евро сарфладилар. Жоржиньо Вейналдум, Жанлуижи Доннарумманинг шартномаси эса бепул. Ва, албатта, ушбу блогда Париж клубига эркин агент сифатида яқинда қўшилган Серхио Рамосни ҳам эсламаслик мумкин эмас. Бу бутун клубнинг умумий нархига қандай таъсир қилади? Рости, Серхио ўтганидан сўнг кўпчилик мухлислар Мадрид ва Париж клубларининг умумий даромади, жамоанинг умумий қиймати каби саволларга жавоб излаб қолди. Хўш, топ-клубларнинг қайси бири бойроқ эканлигини аниқлик киритишга ҳаракат қиламизми?

«ПСЖ»нинг нархи қанча?

2021 йилга келиб «ПСЖ» 642 миллион доллар даромад олган. «Форбес» нашрининг сўнгги рейтингига кўра, клуб 2,5 миллиард долларга баҳоланмоқда.

«Реал Мадрид»нинг нархи қанча?

«Investopedia» нашри талқинига кўра, «Реал Мадрид»нинг бойлиги 4,24 миллиард долларга баҳоланган. Мадрид клуби дунёдаги барча спорт жамоалари орасида 6-ўринда туради. Фақатгина, «Барселона» ва «Манчестер Юнайтед» мазкур рўйхатнинг кучли 10талигига киради.
Шунингдек, «Форбес» талқиига кўра, «Реал» 4,75 миллиард долларга баҳоламоқда.

«Deloitte» нашри хабарига кўра, «Реал Мадрид» 2021 йил январига қадар 849 миллион доллар даромад қилган.

Шубҳасиз, «ПСЖ» «Реал»дан бадавлатроқ эмас. Аммо, уларнинг жуда айёр бойвачча эгаси бор.

«Форбес» нашри маълумотларига кўра, Париж клубига эгалик қилувчи Носир Ал-Хелайфининг бойлиги тахминан 8 миллиард долларни ташкил этади. Бу унга Флорентино Перес билан бўлганидек, директорлар кенгаши томонидан назорат қилинмаслигини ҳисобга олиб, пулни хоҳлаганича сарфлашига имкон беради.

«Sports.ru» сайтидан Жамшиджон Маҳмудов таржимаси.