Италиянинг олти клуби инқирозли вазият туфайли молиявий ҳамкорлар билан келишувга эриша олмаяпти. Бу ҳақда «Calcio e Finanza» хабар берди.
Коронавирус туфайли кўплаб клублар инқирозли вазиятни бошдан кечирмоқда. Шу жумладан, «Интер», «Лацио», «Рома», «Сампдория» ва «Венеция» каби италян клублари ҳамкорларсиз қолди.
Aмалдаги A Серия чемпиони ҳисобланмиш «Интер» айни дамда «Pirelli» компанияси билан ҳамкорлик бўйича музокара олиб бормоқда. Келишув камида олти ҳафта давом этиши айтилган.
«Рома»нинг ўткан мавсумда клуб футболкаларидаги реклама ёзувлари учун 11 миллион евро тўлаган ҳамкори «Qatar Airways» шартномани узайтиришдан бош тортди. Жамоа ҳамкорларидан яна бири Жанубий Кореянинг «Hyundai» копмпанияси ҳам футболчилар либоси қўл қисмидаги реклама учун йилига 3 миллион эмас, 2 миллион евро тўлашини маълум қилган.
Клубларнинг ҳамкорлар билан шартнома тузолмаётганига яна бир сабаб Европа Чемпионлар лигасида қатнашувчи «Интер», «Ювентус», «Милан» ва «Aталанта»нинг ҳалигача УЕФAдан реклама ҳуқуқларидан фойдаланиш бўйича рухсат олмагани этиб кўрсатилмоқда.