Испания Ла Лигаси чемпионат форматини ўзгартирмаслиги маълум бўлди. Бу ҳақда Ла Лига расмий сайти хабар қилди.
Испания Қироллик федерацияси президенти Луис Рубиелес чемпионат форматини ўзгартириш бўйича Ла Лига президентига ариза билан мурожаат қилганди. Рубиелеснинг аризасига кўра, чемпионатда қатнашчи жамоаларнинг кам ўйин ўтказиб, кўпроқ дам олиш кунига эга бўлиши, уй ва меҳмондаги ўйинларни нейтрал стадионда ўтказиш масалаларини кўтарган.
Бунга жавобан Ла Лига раҳбарияти рад жавобини берган. Унга кўра, ташкилот чемпионат форматида ўзгариш қилмаслиги таъкидланган:
«Турнир форматини ўзгартиришни кўриб чиқмаймиз. Мазкур модель бир неча йилдан бери ўзини оқлаб келади. Ушбу форматда трансляция кўлами 20 фоизга ошди, биз ESPN телекомпанияси билан AҚШга телевизион трансляция етказиш бўйича келишувга эришганмиз. Турнирда молиявий барқарорлик бор ва бунга ўзгаришлар билан путур етказмаймиз».
