Токиода бошланган ёзги олимпия ўйинларининг дастлабки куни Ўзбекистон делегацияси учун жуда муваффақиятсиз келмоқда. Спортчиларимиз бирин-кетин муваффақиятсиз иштирок эта бошлашди. Уларнинг сафини эса боксчимиз Санжар Турсунов тўлдирди.

91 кг. вазнда Японияга ташриф буюрган Санжар илк саралаш босқичидаёқ ўз юришини тўхтатди. У жазоирлик Абдулҳафиз Беншаблага қарши рингга кўтарилиб, имкониятни бой берди.

Рақиб жангни фаол бошлади ва илк дақиқаларда очколарни кўпайтириб олди. Турсунов эътиборини кучли зарбаларга қаратган бўлса, Беншабла "жеб" зарбалар сонини кўпайтиришга уринди. Натижада биринчи раунд Абдулҳафиз фойдасига ҳал бўлди.

Ҳамюртимиз иккинчи ва учунчи раундларни фаоллик оширишга ҳаракат қилди, аммо у тўла устунликка эга бўла олмади. Кичик устунлик эса якунда Абдулҳафизнинг ғалабасини таъминлади — 1:4 (29-28, 28-29, 28-29, 28-29, 27-30).

Шу тариқа, энг кўп медаль жамғариши кутилаётган бокс спорт туридан илк кундаёқ йўқотишга учрадик.