«Marca» нашрининг хабарига кўра, Карим Бензема «Реал» билан 2022/23 йилги мавсум охирига қадар Испания пойтахтида қолишига имкон берадиган бир йиллик узайтиришга рози бўлди.
Француз 23-июль, жума куни Евро-2020дан кейинги таътилдан
қайтди. Аммо, кеча чиққан хабарларга кўра, Карим Коронавирус инфекциясини юқтириб олган. Шу сабабли, ушбу битим бироз кечикиши мумкин.
Олдинроқ Мадрид клуби Бенземага икки йиллик шартнома таклиф қилгани ҳақида хабар қилинганди, аммо сентябр ойида 34 ёшга тўладиган Карим ўзининг ёшини ҳисобга олган ҳолда 2023 йилдан кейин клубда қолишга тайёр эмас. Шунинг учун мазкур муддат бироз қисқариши мумкин.
