Килиан Мбаппе Маурицио Почеттинога «ПСЖ» билан шартномани узайтирмаслигини айтган. Бу ҳақида «Marca» нашри журналисти Хосе Феликс Диас хабар бермоқда.
22 ёшли футболчининг амалдаги шартномаси 2022 йилда ниҳоясига етади ва у келаси ёзда Париж клубидан текинга кетмоқчи.
Айни пайтда «Реал Мадрид» Франция терма жамоаси футболчиси билан музокараларни ҳали бошламаган, чунки Флорентино Перес Носир Ал-Хелайфи билан ҳанузгача мустаҳкам муносабатларни сақлаб келмоқда ва уни бузишни истамаяпти.
Мбаппенинг ўзи ушбу ёзда Испания пойтахтига кўчиб ўтишни хоҳлаганди. Бироқ, парижликлар Килиан фикрини ўзгартиришини ва клуб билан янги шартнома имзолашига ишонмоқда.