«Барселона» бош мураббийи Пеп Гвардиола фикрича, жамоанинг Испания чемпионатида иккинчи ўринда бораётганидан фожеа ясаш ярамайди.
«Шогирдларим олдига ҳар доим энг юксак вазифа ва мақсадлар қўйилади. 12та совринни қўлга киритганимиздан сўнг, «Реал»дан ортда боришимиз оддий ва табиий ҳолат. Ҳар доим биринчи поғонада юриш мумкин эмас. Бу қайтанга кейинги ўйинга руҳан тайёргарлик учун жуда керак нарса. Албатта, миллий чемпионатда олдимизда турган вазифани бажариш жуда мушкул. «Реал» жуда кучли ўйин намойиш қиляпти. Майли, чемпионатда ғолиб бўлишга ҳаракат қилиб қўришсин. Биз эса оҳиригача курашамиз», — дейди Пеп Гвардиола.
