«Манчестер Юнайтед» бош мураббийи Оле-Гуннар Сульшер Поль Погбанинг кейинги
мавсумда ҳам жамоада қолишини кутмоқда.
Футбол инсайдери Фабрицио Романо ўзининг Твиттердаги саҳифасида мутахассиснинг сўзларини келтирди. Клуб Погбанинг вакиллари билан музокараларни давом эттирмоқда, мураббий француз футболчиси билан шахсан суҳбатлашди ва Поль 2021/22 йилги мавсумни «Юнайтед» билан ўтказишга тайёрлигига ишонмоқда.
Олдинроқ «ПСЖ» Погбага даъво қилаётгани, Париж клуби ярим ҳимоячи учун қарийб 60 миллион евро тўлашга тайёрлиги ҳақида хабар берган эдик.
Ўтган мавсумда Погба АПЛда 26 учрашув ўтказди, учта гол урди ва бешта голли пас берди.
