«Ювентус» ҳужумчиси Криштиану Роналду жамоадошлари жойлашган
базага қайтиб келди, деб хабар беради журналист Жанлука Ди Марцио.
Яқин келажакда 36 ёшли португалиялик тиббий кўрикдан ўтади ва туринликлар раҳбарияти билан учрашув ўтказади.
Олдинроқ «Ювентус» вице-президенти Павел Недвед форвард жамоада қолишини айтганди.
Турин клуби футболчи билан 2023 йилгача янги шартнома тузмоқчи. Янги шартномага биноан Роналдунинг маоши йилига 31 миллион евродан 20 миллионгача камаяди.
Криштиану Роналду ўтган мавсумда «Юве» таркибида барча мусобақаларда 44 учрашув ўтказди ва 36 гол ва тўртта голли пас берди.
