Бразилиянинг «Сантос» клуби ҳужумчиси Кайо Хорхе «Ювентус» билан дастлабки шартнома бўйича келишувга эришди. Бу ҳақида бразилиялик журналист Лукас Мусетти Перазолли ўзининг твиттердаги саҳифасида маълум қилган.

Бразилия ОАВларида «янги Неймар» номи билан машҳур бўлган футболчининг амалдаги клуби билан шартномаси шу йилнинг 31 декабрида ўз ниҳоясига этади. «Сантос» ушбу муддатгача «Ювентус» билан трансфер бўйича музокаралар олиб бориши мумкин, акс ҳолда футболчи 2022 йил бошида текинга бошқа жамоага қўшилиши мумкин.

Айни пайтда, Трансфермаркет портали футболчининг нархини 12 миллион еврога баҳолаган.

19 ёшли футболчи «Сантос» сафида 2018 йилдан бери тўп тепиб келади ва шу пайтгача 40 учрашувда майдонга тушиб, 3 марта ўз ҳисобига гол ёздириб қўйган.