Мадриддаги ўнинчи мавсумини бошлаётган «Реал»нинг ҳорватиялик футболчиси клуб расмий матбуот хизматига қисқа интервью берди. Суҳбат давомида мавсумолди тайёргарлик ва Карло Анчелотти бош мураббий лавозимига қайтиш масалалари ҳақида гапирди.
Модрич италиялик мутахассис «қироллик клуби»да иш бошлашидан жуда мамнун эканлиги ва у билан яна бирга ишлашидан фақат хурсанд бўлиши ҳақида гапирган.
Карло Анчелотти тайинланиши тўғрисида
«Бир неча йилдан сўнг мураббийни яна кўрганимдан жуда хурсандман. Бу катта қувонч. Анчелотти Мадриддаги биринчи фаолиятида катта ютуқларни қўлга киритган ажойиб мураббий ва бу сафар бундан ҳам кўпроқ муваффақиятлар бўлишига умид қиламан.»
«Реал Мадрид»даги 10 йиллик фаолияти ҳақида
«Мен худди биринчи кундагидек, ҳали ҳам жуда ҳаяжондаман. Жамоадошларимни яна
кўрганимдан хурсандман ва улар билан ишлашни, тайёрланишни ва жамоанинг муваффақиятига ёрдам беришни хоҳлайман».
Евро-2020дан кейин жамоага қайтиш тўғрисида
«Тайёргарликнинг биринчи қисми яхши ўтди. Қайтганимдан хурсандман. Мен катта иштиёқ билан қайтдим ва бу мавсумда яхши натижаларга эришиш учун бор кучим билан ҳаракат қилишни хоҳлайман».