«Эвертон» клуби 2021-2022 йилги мавсум учун ўзининг учинчи рақамли либосини намойиш этди. Ушбу либос «hummel» компанияси томонидан тақдим этилмоқда. Форма умумий қора рангда бўлиб, марказдан диагональ сариқ қалин чизиқ тортилган. Ушбу кўриниш 1950 йиллардаги «Гуддисон парк» афсоналари Дейв Ҳиксон, Бобби Коллинс ва Брян Лабонлар кийган либосни эсга солади.
Шунингдек, либоснинг тўлиқ версиясида қироллик денгиз кучлари рамзини эсга солувчи кўк шўртик ҳaмда сариқ деталли пайпоқлар мавжуд. «Эвертон» бугун Флоридада Мексиканинг «Пумас» клубига қарши баҳсда илк марта ушбу либос билан майдонга тушишади.
