Тажрибали ҳимоячи ва Европа чемпиони Жорджо Кьеллини «Ювентус»да ўйнашда давом этишини ва «кекса синёра» билан янги шартнома имзоламоқчи эканини тасдиқлади.
Хабарингиз бор, олдинроқ Кьеллини эркин агент мақомини олган эди. Унинг клуб билан аввалги шартномаси аллақачон тугаб бўлган. Янгисининг эса тез орада имзоланиши кутилмоқда.
Кьеллинининг сўзларига кўра, у ҳали яна бир нечта совринларни қўлга киритишни хоҳлайди. Жорджо ўтган мавсумдаги муваффақиятсизликдан сўнг, «Ювентус»нинг А Сериядаги мавқейини тиклаш ниятида.
