«Барселона» ҳужумчиси Лионель Месси клубда қоладиган бўлди. Бундан бир неча соат илгари томонлар янги шартнома борасида келишувга эришишди.
34 ёшли футболчи "Барса" билан 5 йиллик шартномага имзо чекади. Унинг маоши 50 фоизга камаядиган бўлди.
Каталонияликлар Мессини рўйхатдан ўтказиш учун жамоанинг маошлар билан боғлиқ харажатлари камайтирилиши керак. Хусусан, "Барселона" Жерар Пике, Серхио Бускетс, Жорди Альба ва Серхи Роберто билан музокара олиб бориб, уларнинг маоши камайтирилиши борасида келишувга эришди. Бундан ташқари, клуб Самуэль Умтити, Миралем Пьянич ва Мартин Брейтуэйтни сотишни режалаштирмоқда.
Эслатиб ўтамиз, Лионель Месси 1 июль санасидан эркин агент ҳисобланади.