«Лестер Сити» клуби бош мураббийи Бренден Рожерс ушбу ёзда Меддисон жамоадан кетмаслигини маълум қилди. Хабарларга кўра, «Лестер» 24 ёшли футболчисига 70 миллион фунтлик бож белгилаган.

Аммо Рожерс «тулкилар»нинг муҳим аъзоси учун ҳеч қандай таклифлар кўриб чиқилмаслигини айтган. Журналистлар билан суҳбатда у шундай дейди: «Клуб билан Меддисонни сотмасликка қарор қилдик. Бу аниқ. Бизнинг ўйинчиларимиз доимо клубда қолишда хоҳлайди. Чунки улар бу ерда бахтиёр. Тўғри атрофда кўплаб миш-мишлар юрибди. Бироқ биз бу нарсага эътибор бермаймиз ва бирга ишлашда давом этамиз».

Меддисон ўтган мавсумдаги 42 та ўйинда 11 та ва 10 та голли пасга муаллифлик қилган. Аввалроқ унга «Арсенал» клуби қизиқиш билдиргани ҳақида хабар қилинган эди.