«МЮ» футболчиси Жесси Лингард клуб машғулотларига қайтди. У ўтган мавсум январь ойида «Вест Хем»га ижарага берилган эди. Футболчи у ерда ажойиб ўйинлар кўрсатган. Шу сабаб Лондон клуби футболчи билан доимий шартнома имзолаш бўйича ҳаракат бошлаган.
Аммо «МЮ» бош мураббийи инглиз ҳужумчисини қўйиб юбормаслигини билдирган. Сулшер Лингардни янги мавсум учун режаларига киритганини маълум қилди.
28 ёшли футболчининг шартномаси кейинги йил ёзда якунига етади ва унинг трансфер нархи 30 миллион фунт атрофида баҳоланган.
