Суперлига 14-турида "Пахтакор" ўз майдонида "Насаф"ни қабул қилишади.

Ҳар икки жамоа ўртасидаги тўқнашувлар охирги йилларда кескин ўтмоқда. Ҳар бир баҳс мухлисларга шиддатли тўқнашувни тақдим этиб келади.

Беллашувлар тарихига назар ташлайдиган бўлсак, чемпионатларда жамоалар жами 49 марта ўзаро баҳс олиб боришган. Уларнинг 29тасида "Пахтакор" зафар қучган бўлса, 10 беллашувда дуранг натижа қайд этилган. Қаршиликлар эса 10 ўйинда ғалаба қозонишган. Рақиб дарвозасини 77 бор ишғол қилган тошкентликлар, ўз дарвозасидан 46 гол ўтказиб юборган.

Тошкентдаги беллашувларда "шерлар" 19 ғалаба, 3 дуранг ва 1 мағлубият қайд этган. "Насаф" Тошкентда ягона ютуғини 2001 йил қўлга киритган. Охирги марта 2016 йил Қарши жамоаси сафарда очкога эга чиққан. Тошкентдаги баҳсларда "Пахтакор" 46 гол уриб, 13 тўп ўтказишган.

"Пахтакор" ва "Насаф" жамоалари ўртасидаги беллашув 6 август, жума куни «Локомотив» стадионда соат 20:00да бошланади.