"Реал Мадрид" "ПСЖ"га Килиан Мбаппе билан шартнома имзолаш бўйича музокараларни бошлаш тўғрисида расмий сўров юборди. Бу ҳақида La Saeta Rubia нашри хабар бермоқда.
"Қироллик клуби" парижликларнинг розилигини олишлари билан, эҳтимол амалга ошиши мумкин бўлган трансфер тафсилотларни муҳокама қилишни бошлайдилар.
"Реал Мадрид" Лео Мессининг "Барселона"дан кетиши эълон қилинганидан кўп ўтмай сўров юборди.
Манбанинг қўшимча қилишича, Флорентино Перес Париж клуби аргентиналик футболчи билан шартнома имзолашдан олдин, Мбаппени сотиш эҳтимоли борлигини билади.
