Бугун Токио-2020 ёзги Олимпия ўйинлари ўз якунига етди.

Энди орадан саноқли кунлар ўтгач, аниқроғи 24 август куни Токио шаҳрида XVI ёзги Паралимпия ўйинлари старт олади. Унда сайёрамизнинг турли ҳудудларидан келган 5 мингга яқин пара атлет 540 та медаллар тўплами учун кураш олиб боради.

Шу ўринда айтиб ўтиш лозим, ўзбекистонлик паралимпиячилар Паралимпия ўйинларида илк бор 8 та спорт туридан мусобақаларда иштирок этади.

Бундан аввал Рио-2016 ёзги Паралимпия ўйинларида паралимпиячиларимиз 5 та спорт туридан баҳсларда қатнашган ва 32 та спортчи 31 та медалга сазовор бўлган ҳолда умумжамоа ҳисобида 16-ўринни қўлга киритган эди.