"Бавария" ва Германия терма жамоасининг собиқ футболчиси Лотар Маттеус Мюнхен клуби собиқ ҳужумчиси Франк Риберини жамоага қайтариши керак деб ҳисоблайди. 38 ёшли француз футболчиси энди эркин агентга айланди, чунки унинг "Фиорентина" билан шартномаси тугаган.
"Агар "Бавария" ўзи истаган ва сотиб оладиган ҳужумчини топа олмаса, мен Франк Рибери билан бир йиллик шартнома тузишни тўғри деб ҳисоблайман",-дея Маттеус сўзларини келтирмоқда Sky Sport нашри.
Эслатиб ўтамиз, Рибери "Бавария"да 2007 йилдан 2019 йилгача ўйнаган. Мюнхенликлар
таркибида у саккиз карра Германия чемпиони, олти карра Германия кубоги ва Чемпионлар лигаси ғолиби бўлди.
