4 йиллик меҳнат, 4 йиллик тинимсиз машғулотлар самарасини берди. 3 та олтин, 2 та бронза қўлга киритилди. Aйниқса, ҳеч омадимиз келмаган таэквандода олтин олишимиз, оғир атлетикада рекордлар қўйишимиз ҳаммани қувонтирди. Спортчиларимиз мустақиллигимизнинг 30 йиллигига энг яхши совғани тайёрлай олишди.
Куни кеча миллат қаҳрамонлари юртимизга қайтиб келишди. Уларни кутиб олиш учун юзлаб юртдошларимиз чиқиб, нафақат уларнинг, балки ота-оналарининг қувончига ҳам шерик бўлишди.
Тўйга тўёна билан деган сарлавҳамиз кеча ҳам мажозий ҳам асл маъносида намоён бўлди — президент совғалари юртимиз номини юқори кўтарган курашчимиз Бекзод Aбдураҳмонов ва таеквандочи қизимиз Нигора Турсунқулованинг бўлажак никоҳ тўйларига муносиб совға бўлди. Қолган совриндорларимизга ҳам совғалар топширилди.
Ушбу олимпиада нимаси билан ёдда қолди? Aлбатта, Янги Ўзбекистон ёшлари нақадар кучли эканини дунёга кўрсатиб қўйган Улуғбек билан, 4 йиллик аламли кўзёшлар ортидан мақсадига эришган Баҳодир билан, юртимиз шаънини юксакларга кўтарган Aкбар билан. Уларнинг ғалабалари бу бизнинг ғалабамиз, Ўзбекистонимизниг ғалабаси.
Ориф Толипов
