"Интер" ярим ҳимоячиси Кристиан Эриксен "Аякс"га қайтиши мумкин, деб хабар беради Football Italia нашри. Ҳамма нарса футболчининг юрак стимуляторини олиб ташлашига боғлиқ бўлади.
Агар даниялик келгуси ойларда қурилмадан қутулса, у Милан клубида қолади. Агар ўйинчида ҳали ҳам юрак стимулятори бўлса, у "Аякс"га қайтиш ҳақида ўйлайди. Сабаби, Италия А Сериясида бундай мосламалар билан ўйнаш тақиқланган.
Эриксенга юрак уриш тезлигини нормаллаштириш учун юрак стимулятори жойлаштирилди.
Эслатиб ўтамиз, 2021 йил 12 июньда Евро -2020 Финляндияга қарши ўйинда Дания терма жамоаси футболчиси юрак хуружига учради ва ҳушидан кетди. Шифокорлар уни тўққиз дақиқада сунъий нафас бериш ва юракни ёпиқ массаж қилиш орқали жонлантиришди. Кристианни майдондан замбилда олиб кетишди.
29 ёшли данияликнинг "Интер" билан амалдаги шартномаси 2024 йилнинг 30 июнига қадар тузилган.
