«Тоттенхем» футболчиси Тангуй Ндомбеленинг клубдаги тақдири ҳамон ноаниқлигича қолмоқда. «Athletic» нашрининг хабар беришича, француз футболчиси жамоани тарк этиши ҳам мумкин.

24 ёшли плеймейкер Эшпириту Санту қўл остида ҳали бирор марта майдонга туширилмади. Мавсумолди ўйинлари давом этаётган бир пайтда бу жуда ҳам шубҳали кўринади. Чунки футболчи мутлақо соғлом ва майдонга тушишга тайёрлигини билдирган.

У 2019 йилда 55 миллион фунт эвазига «Лион»дан харид қилинган. Жамоанинг собиқ мураббийи Моуринё Ндомбелени қаттиқ танқид қилган эди. Агар футболчи трансферга қўйилса, «Интер» клуби асосий даъвогар бўлиши айтилган.