«Фиорентина» ҳужумчиси Душан Влаҳович фаолиятини «Тоттенхем»да давом эттириши мумкин, деб хабар беради Tuttomercatoweb.

Маълум бўлишича, Лондон клуби футболчи учун курашда фаворит ҳисобланади. Аввалроқ, «Атлетико» ҳам сербга даъвогарлик қилганди, аммо мадридликлар «Герта» ҳужумчиси Матэус Куньяга эътибор қаратишган.

Манбага кўра, «Тоттенхем» ҳужумчи учун 60 миллион евро таклиф қилишга тайёр, бу «Фиорентина»га мос келиши мумкин.

Эслатиб ўтамиз, Влаҳович 2018 йилда «Партизан» дан икки миллион еврога Италияга кўчиб ўтганди. Бу мавсумда у Италия кубогида битта ўйин ўтказди ва унда иккита гол уришга эришди.