Бокс терма жамоамиз мураббийи Тўлқин Қиличев Олимпиада якунидан сўнг юртбошимизга миннатдорчилик билдирди.
“Ўзбекистон бокс мактаби мураббийи, Баҳодир Жалоловнинг мураббийи эканлигимдан фахрланаман. Пандемия бўлишига қарамай ҳамма шариотни яратиб берганингиз ва алоҳида таъкидлаб ўтишим зарур, Баҳодирга берган руҳий далдангиз, уни сизга берган ваъдаси Олимпиада олтин медалига етаклаб борди.
Баҳодирнинг вазни бугунги кунда энг оммабоп, томошабоп вазн ҳисобланади. Бу вазнда нафақат Ўзбекистон, балки Осиё тарихидаги илк чемпион ҳам ўзбек ўғлони бўлди.
Президентга чин кўнгилдан ваъда берсак олтин медаллар олиб келяпмиз. Шунинг учун жамоамиз билан ёш иқтидорларни тайёрлаб Париж Олимпиадасида бундан яхши натижларни қайд этишга ваъда берамиз”, - деди Тўлқин Қиличев.