Ҳимоячи Рафаэль Варан "Реал"дан "Манчестер Юнайтед"га ўтиши ҳақида фикр билдирди.
"Мен хурсандман ва ҳаяжондаман. Бу мен учун янги саёҳат. Мен "Реал" билан бахтли
саргузаштни бошдан кечирдим, аммо "Манчестер Юнайтед" мен учун янги синов. Мен ва "Манчестер Юнайтед" ҳақида 2011 йилдан бери миш-мишлар юрибди. "Юнайтед"га бўлган қизиқиш Сер Алекс Фергюсон онамнинг уйида мен билан гаплашганида, мен "Реал"га кўчиб кетишимдан олдин бошланган ", - дея Вараннинг сўзларини келтиради "Манчестер Юнайтед" матбуот хизмати.
28 ёшли француз футболчисини "Манчестер Юнайтед" 14 август куни "Лидс" ўйини олдидан таништирди ва клуб душанба куни шартномани расман эълон қилди. Футболчи карантин муддати ўтганидан сўнг машғулотларга қўшила олди.
Варан "Манчестер Юнайтед"га "Реал" дан кўчиб ўтган, у ерда 2011 йил июлидан бери
ўйнаган. Франциялик футболчи "Манчестер Юнайтед" да 19 -рақамда ўйнайди.
