«Тоттенхем» ҳимоячиси Давинсон Санчес жамоадоши Харри Кейн атрофидаги вазиятга изоҳ берди.

«Харри - дунёнинг энг яхши ҳужумчиси. Бунга шубҳа йўқ. Мен унинг жамоадошиман ва нима бўлаётганини билмайман, чунки клуб раҳбарияти бу масалалар билан шуғулланади, лекин ҳамма билади, у ҳақиқий профессионал ва яхши одам.

Биз ҳаммамиз унинг тарафидамиз ва унинг ҳар қандай танловини ҳурмат қиламиз», - дейди Санчес.

Эслатиб ўтамиз, «Тоттенхем» ҳужумчиси Харри Кейн «Манчестер Сити»га ўтмоқчи, аммо «шпорлар» раҳбарияти уни клубда сақлаб қолиш ниятида. Маълум бўлишича, «шаҳарликлар» инглиз учун тахминан 150 миллион евро таклиф қилишга тайёр.