«Tottenxem» himoyachisi Davinson Sanches jamoadoshi Xarri Keyn atrofidagi vaziyatga izoh berdi.

«Xarri - dunyoning eng yaxshi hujumchisi. Bunga shubha yo‘q. Men uning jamoadoshiman va nima bo‘layotganini bilmayman, chunki klub rahbariyati bu masalalar bilan shug‘ullanadi, lekin hamma biladi, u haqiqiy professional va yaxshi odam.

Biz hammamiz uning tarafidamiz va uning har qanday tanlovini hurmat qilamiz», - deydi Sanches.

Eslatib o‘tamiz, «Tottenxem» hujumchisi Xarri Keyn «Manchester Siti»ga o‘tmoqchi, ammo «shporlar» rahbariyati uni klubda saqlab qolish niyatida. Ma’lum bo‘lishicha, «shaharliklar» ingliz uchun taxminan 150 million yevro taklif qilishga tayyor.