Лондоннинг «Арсенал» клуби норвегиялик яримҳимоячи Мартин Эдегорни ортга қайтаради. Бу ҳақда журналист Фабрицио Романо ўз твиттери орқали хабар берди.
Инглиз клуби яримҳимоячи билан доимий шартнома имзолайди. Айни пайтда томонлар келишув тафсилотларини муҳокама қилишмоқда.
Аввалроқ, «қаймоқранглилар» скандинавиялик билан 30 миллион еврога хайрлашишга тайёр экани ҳақида хабар берилганди.
Эдегорнинг ўзига 2026 йилнинг ўрталарига қадар ҳисобланган узоқ муддатли шартнома таклиф қилинади.
2020/2021 йилги мавсумда Мартин Премьер-лигада 14 та ўйин ўтказди. У битта гол урди ва иккита голли узатмани амалга оширди.
