Эрон Про-лигасида бугун 26-турнинг яна 5 та учрашуви бўлиб ўтди. Фарғонанинг «Нефтчи» клуби плей-оффда агар «Аш-Шабоб» тўсиғидан ўта олса Эрон жамоаларидан «Персеполис» унга «D» гуруҳида рақиб бўлади.

«Персеполис» бугун Қум шаҳрида маҳаллий «Сабо» клуби билан 2:2 ҳисобида дуранг ўйнади. Голларнинг учтаси пенальтидан киритилгани эътиборга лойиқ.

Мухлисларимизга яхши таниш «Зоб Оҳан» ҳам ўтган турдаги муваффақиятсизликдан сўг бугун сафарда ғалаба қучишди. Бунда мезбонларнинг «ҳиссаси» кўпроқ эканлиги диққатга сазовор. Аввалига майдон эгалари – теҳронлик нефтчилар 37-дақиқада пенальтини муваффақиятли амалга ошира олишмаган бўлса, кейин исфаҳонликларга ғалаба келтирган голни ҳам ўзлари киритиб беришди.

Кучли учликда бораётган «Тракторсози» эса мағлубият аламини тортиб кўрди. 2-ўринни эгаллаб турган «Истиқлол»нинг «Озодий»даги ўйини бошқа кунга кўчирилганини эътиборга олсак, жамоалар орасидаги фарқ 4 очкогача кўпайиши мумкин.

Турнир жадвали юқорасида эса 52 очко жамғарган «Сепоҳон» жойлашган.

Эрон Про-лигаси. 26-тур.

САБО (Қум) – ПЕРСЕПОЛИС (Теҳрон) 2:2 (1:1)
Голлар: Ғуломризо Иноятий (21, 66-пен) – Али Каримий (33-пен., 90-пен.)

ФАЖР (Сепаси) – ФУЛАД (Хузистон) 2:1 (1:1)
Голлар: Меҳрдод Каримиён (38), Маҳди Ражабзода (57) – Ҳоди Наврўзий (10)

МИС (Кирмон) – ТРАКТОРСОЗИ (Табриз) 1:0 (1:0)
Гол: Воҳид Амроий (23)

ДАМОШ (Ғилон) – ШОҲИН (Бушаҳр) 0:0

НАФТ (Теҳрон) – ЗОБ ОҲАН (Исфаҳон) 0:1 (0:0)
Гол: Сиёмак Куруший (75-автогол)