«Манчестер Сити» клуби ҳужумчиси Габриел Хесус жамоасининг кечаги йирик ҳисобдаги ғалабасидан кейин ўз фикрлари билан ўртоқлашди. У «BBC Sport» каналига шундай дейди:
«Ўйлашимча, ўз ўйлаган ўйинимизни қила олдик. Тез ўйнадик, яхши узатмалар ижро этдик ва ортга ҳам қайтишга ҳаракат қилдик. Биринчи турда ўз салоҳиятимизни намойиш эта олмаган эдик. Ҳозирги ўйин ҳам осон бўлди дея олмайман. Мен ўзимни яхши ҳис қиляпман, ишончим ва қувватим қайтмоқда. Жамоа учун қўлимдан келган ҳамма нарсани қиламан».
Аввалроқ бразилиялик страйкерни жамоадан кетиши билан боғлиқ хабарлар тарқалган эди.
