«Manchester Siti» klubi hujumchisi Gabriyel Xesus jamoasining kechagi yirik hisobdagi g‘alabasidan keyin o‘z fikrlari bilan o‘rtoqlashdi. U «BBC Sport» kanaliga shunday deydi:
«O‘ylashimcha, o‘z o‘ylagan o‘yinimizni qila oldik. Tez o‘ynadik, yaxshi uzatmalar ijro etdik va ortga ham qaytishga harakat qildik. Birinchi turda o‘z salohiyatimizni namoyish eta olmagan edik. Hozirgi o‘yin ham oson bo‘ldi deya olmayman. Men o‘zimni yaxshi his qilyapman, ishonchim va quvvatim qaytmoqda. Jamoa uchun qo‘limdan kelgan hamma narsani qilaman».
Avvalroq braziliyalik straykerni jamoadan ketishi bilan bog‘liq xabarlar tarqalgan edi.
