La Saeta Rubia нашри хабарига кўра, "Реал" "Бавария" марказий ҳимоячиси Никлас Зюле билан шартнома имзоламоқчи.
"Қаймоқранглилар" немис ҳимоячисини келаси ёзда сотиб олмоқчи. 25 ёшли футболчининг "Бавария" билан амалдаги шартномаси 2022 йилнинг июль ойига қадар тузилган, бироқ томонлар ҳали ҳам янги шартнома борасида келиша олишмаяпти.
Бироқ, ўша манбанинг таъкидлашича, "Вильярреал" футболчиси Пау Торрес ҳам яқин келажакда мадридликлар трансферининг устувор мақсади ҳисобланади.
Зюле Чемпионлар лигаси ғолиби ва Бундеслиганинг тўрт карра чемпиони. Умуман, марказий ҳимоячи "Бавария" сафида 135 ўйин ўтказиб, 6 гол ва 3 голли узатма муаллифи бўлган.
