Лондоннинг "Тоттенхэм" клуби, ниҳоят, "Манчестер Сити" билан Харри Кейн трансфери борасида музокрага келганга ўхшайди. Энди "шпорлар" ўз сардорига ўринбосар қидирмоқда.
Италиялик инсайдер Фабрицио Романо твиттерда Лондон клуби "Интер" ҳужумчиси Лаутаро Мартинес хизматларига қизиқиш билдираётганини ёзди.
Унинг трансфер қиймати 80 миллион еврони ташкил қилади ва "нерадзуррилар" билан шартнома 2023 йилнинг ёзигача амал қилади.
2018 йилда "Интер" Лаутаро Мартинес учун 25 миллион евро тўлаган. Ўшандан бери аргентиналик футболчи 132 та ўйинда майдонга тушиб, 49 та гол урди ва 20 та голли узатмани амалга оширди.