Италиянинг “Кьево” футбол клуби иқтисодий муаммолар туфайли фаолиятини тўхтатди.
Раҳбарлар қарзга ботган клуб учун сармоядорларни топа олмадилар, бу эса унинг тугатилишига олиб келди. Дастлаб, бу мавсумда “Кьево” Б Серияда ўйнайди деб тахмин қилинган эди, аммо кейинчалик молиявий муаммолар туфайли жамоа тўртинчи дивизионга туширилди. Ва энди Верона жамоаси бутунлай тугатилди.
"Кьево" 1929 йилда ташкил этилган. 21 аср бошларида Верона клуби А Серияда ёрқин ўйнади ва 2006/07 йилги мавсумда ҳатто Чемпионлар Лигаси саралашида ҳам иштирок этди.
2019 йилда Б Серияга тушишдан олдин, Верона жамоаси кетма-кет 11 йил А Серияда ўйнади.