"Тоттенхэм" марказий ҳимоячиси Кристиан Ромеро Аргентина терма жамоасидаги жамоадоши Лионель Месси уни ёзда "Барселона"да кўришни хоҳлаганини тан олди. Marca нашри хабарига кўра, Месси Америка Кубоги пайтида Ромерога буни шахсан айтган.
У менга: "Мен сени "Барселона" таркибида кўришни хоҳлардим", деб айтган.
Бу суҳбатдан кўп ўтмай, Месси "Барселона"ни тарк этди ва Ромеронинг ўзи "Аталанта"дан
"Тоттенхэм"га кўчиб ўтди. ОАВ маълумотларига кўра, инглизлар 23 ёшли аргентиналик
футболчини 55 миллион еврога сотиб олган. Футболчининг ўзи, хабар қилинганидек, "Тоттенхэм" билан 2026 йилгача шартнома имзолаган.
Ўтган мавсум Ромеро А Сериянинг энг яхши ҳимоячиларидан бирига айланди. У 31 та ўйин ўтказди ва иккита гол урди.
