Италия чемпионатининг 1-турида "Ювентус" сафарда "Удинезе" клуби меҳмони бўлиб, 2:2 ҳисобида дурангга имзо чекди.
Ўйинга қўшиб берилган 5-дақиқада Криштиану Роналду тўпни рақиб дарвозасига йўллади, аммо видеоёрдамчи ҳакамнинг маслаҳати билан гол бекор қилинди: кичик офсайд қайд этилди.
Португалиялик футболчининг опаси Элма Авейру ижтимоий тармоқ орқали ҳакамнинг қарорига муносабат билдирди.
"Агар у ерда менинг елкам бўлганида, офсайд қайд этилмас эди. Бир ўлчамга кичикроқ футболка кийиш керак эди. Ўғрилик бошланди", - дея ёзди Элма "Instagram" орқали.
