Хабарингиз бор, кеча «Вест Хэм» «Лестер»ни 4:2 ҳисобида мағлуб этди ва икки турдан сўнг АПЛ турнир жадвалида биринчи ўринга чиқиб олди.
Ҳужумчи Майкл Антонио ўйинда дубл қайд этди ва унинг бу натижаси тарихий воқеага айланди.
Антонио «Вест Хэм» сафида АПЛдаги 49-голини урди ва афсонавий Пауло Ди Канионинг 47 голли рекордини янгилади.
Шуниси эътиборга лойиқки, ушбу рўйхатнинг учинчи қаторини «болғачилар»нинг айни пайтдаги яна бир фаол ўйинчиси Марк Нобл эгаллаб турибди, унинг ҳисобида 46 та гол бор.
Бу натижага эришиш учун Антонио Лондон жамоаси либосида 161 та учрашув ўтказди.
