Криштиану Роналдунинг келажаги ҳали сўроқ остида. Португалиялик ўзининг Инстаграмида "Ювентус"дан кетиши мумкинлиги ҳақидаги миш-мишларни рад этган бўлса-да, яқинда ҳужумчи янги клуб қидираётгани ҳақида маълумот пайдо бўлди.
"Бавария" собиқ бош директори Карл-Хайнц Румменниге ҳам миш-мишларга ўз муносабатини билдирди. Унинг фикрича, ҳозирча ҳеч ким Криштианунинг маошини тўлашга қодир эмас.
"У 70 миллион евро олади, шундан атиги 35 миллиони унинг ўзигача етиб келади. Кекса ўйинчи учун бундай харажатларни ким тўлай олади, ҳатто бренд бўлса ҳам ?", – дея изоҳ берди Румменниге Bild нашрига берган интервьюсида.