«Шеффилд» клуби маблағ тўплаш учун яна бир футболчисини сотишга қарор қилди. Клубнинг 18 ёшли ҳужумчиси Даниел Жеббисон даставвал ижарага берилиши таҳмин қилинган бўлса, кейинчалик эса молиявий муаммолар сабабли уни сотишга қарор қилинган.
Хабарларга кўра, ёш футболчи учун «Эвертон» асосий даъвогар сифатида кўрилмоқда. Улар Жеббисонга 5 миллион фунтгача маблағ ажратиши мумкин. Шунингдек, футболчи учун «Лидс», «Астон Вилла» ҳамда «Бренфорд»дан ҳам қизиқишлар бўлган.
Жеббисон «тиғчилар»га 2018 йил қўшилган эди. Аввалроқ клуб ўз дарвозабони Рамсдейлни «Арсенал»га 30 миллион фунтга сотган эди.
